Ek het op die oomblik ‘n hele paar bestellings vir lappoppe waarvan drie darem uiteindelik klaar is en wat ek moontlik die naweek kan afgee, maar vir die ander drie sukkel ek nog om die regte materiaal te kry. Maar dis nou maar een van die nadele van in ‘n klein dorpie bly – en dit verkies!
Die foto’s hier bo wys hoe ek ‘n lappop se hare aanwerk. Eerstens word elke haar afgemeet en gesny en daarna een vir een aan die pop se kop vasgewerk waarna dit omgedraai en weer ‘n keer oor die eerste stiksel gewerk word (en ek wil nou nie sê ek is vreeslik oulik nie, maar al is dit glad nie ‘n maklike taak nie, is die tweede stiksel gewoonlik bo-op die eerste!). Teen hierdie tyd is die pop se gesiggie reeds geverf, maar die neus is nog nie vasgewerk nie.
Die drie poppe wat ek die naweek moet afgee se klere lyk verskillend terwyl twee se skoene deel van die lyf is en net een vingers en tone het. Behalwe vir die een wat se tone nog gewerk moet word, is al drie poppe heeltemal klaar.
Jong, jy is darem maar talentvol hoor.
Pragtig!
Zee ~ baie dankie.
Die een met die wit rokkie in die middel is stunning. Dis ongelooflik mooi. Ware talent.
boebelaberry ~ baie dankie.
Ek stem die een in die middel is pragtig.
Xanika ek het n brei patroon om amper sulke poppe te brei ek het al een gebrei is net so mooi. Ek het nog een begin so ruuuuuuuuuuuk terug en sal kyk as ek hom kan klaar kry, ek word ouma die 27ste Mei en dis n dogtertjie so hopelik voor sy 2 jaar is sal daai pop dalk klaar wees.
parkes ~ baie dankie. Baie geluk, as jy so goed is met uitstel soos ek, kan die pop dalk so twee dae voor haar tweede verjaardag klaar wees!