So maak ek ‘n lappop

Spesiaal vir Ilze:

1.  Knip alle patroondele uit.

2.  Teken & verf gesig. 

3.  Trek strepe vir hare (net reguit in middel van agterkop, insetsel en ± 3 cm van voorkop, ek werk hare net op die middelpadjie).

4.  Werk voor- & agterkop aan insetsel vanaf middelpunt ± 4 – 5 cm aan weerskante.

5.  Knip tot teen naat weerskante van middelpunt, ± 3 cm vanaf middel aan weerskante en ryg nate plat tussen kepe. 

6.  Werk agterste & voorste pylnate, knip en ryg plat. 

7.  Knip hare in regte lengtes en werk vas. 

8.  Werk nou res van voor- en agterkante van kop aan insetsel, knip waar nodig en ryg nate plat (druk ± helfte van hare in kop om laaste naat te kan werk).

9.  Dop kop om. 

10. Werk skouernate vanaf middel tot ± 2 cm van kant van lyf af.

11. Knip ± 1 cm vanaf einde van stikwerk en ryg plat. 

12. Steek kop en lyf aan mekaar en stik (verkieslik 2x). 

13. Stik arms, knip en ryg nate plat. 

14. Dop arms om en stop op.

15. Steek en werk arms aan lyf vas (voor en agter en stukkie van skouernaat wat nog nie gewerk is nie) en ryg nate plat.

16. Stik bene, knip en ryg nate plat.

17. Dop bene om en stop op.

18. Steek en werk bene aan voorkant van lyf vas.

19. Stop kop en lyf op.

20. Werk pop toe met die hand.

21. Maak hare vas (ek vat ‘n string wol en steek dit deur die kant van die kop ± 2.3 cm vanaf nek en maak eers daarmee vas voor ek linte insit).