My noodkreet – ‘n update!

Dankie vir almal se comments. Ek wil darem net sê my kind het al die klere wat hy moet hê vir volgende jaar, het selfs ‘n baadjie present gekry wat lyk soos nuut. En ek het vir hom ‘n tas met wielietjies gekoop wat klaar volgepak is met al die benodigdhede – aarde, wat ‘n lys. Ek voel jammer vir die mense wat werklik sukkel, weet nie hoe hulle dit regkry nie. Ek het hom ook verlede week solank gaan registreer en die registrasiegeld en boekfooie betaal. So nou is dit net die skoolfonds. Maar ons sal regkom, want God sorg vir ons.
Wat die onderhoud aanbetref – ons was in die 5 jaar vandat my eks deur die Hof onderhoud betaal, 3 keer daar. Het elke keer die hele dag daar gesit en die eerste 2 keer net R50 verhoging gekry. Die laaste keer het die vorige ou vir wie ek gewerk het, my “gehelp” en daarin geslaag om ‘n R100 verhoging te kry. My eks betaal dus ‘n hele R500 onderhoud per maand.
Ek hoop nie ek het iemand te na gekom of iets nie, ek was nie in die beste van bui toe ek ”My noodkreet” getik het nie. Ek sal nooit loop en bedel nie, maar sal myself kaal uittrek vir my kind. Ek het nog van niemand gunste en gawes ontvang nie, maar kry van tyd tot tyd vir my kind tweedehande klere waarvoor ek baie dankbaar is.